Boletus edulis

Andoa
Cabaza
¿Cogordo?
[Oia, 3/11/2003]
[Reino Fungi | División Basidiomycota |Clase Agaricomycetes | Subclase Agaricomycetidae | Orden Boletales | Familia Boletaceae | Xénero Boletus]

Un dos cogomelos máis apreciado na cociña.
Doado de identificar pola cor do sombreiro, sempre marrón máis escura no centro do cogomelo, máis clara nos bordes, rematando nun filo blanquecino que presenta no reborde excedente da cutícula. Pode acadar ata 20 cm.

O pé de cor tostada, presenta unha retícula non demasiado marcada.


A carne é blanca e aromática, dura nos exemplares xoves e máis blanda nos últimos estadíos do cogomelo.

O himenio está formado por tubos cilíndricos, cos poros brancos ao principio, amarilleando logo para rematar cor verde oliva a medida que saen as esporas; estos tubos son comestibles mentres manteñan cores brancas ou amarelas claras, despois é máis convinte deixalos no monte no momento de recoleitar, para deixar alí o máximo de esporas posible.

Pódese atopar en bosques de coníferas, mixtos ou caducifolios.

Na cociña está bo de calquer xeito, simplemente á prancha, cunha gota de aceite de oliva, cortado en lonchas de 2 cm de grosor, volta e volta, só marcar... e unha pizca de sal maldon por riba... para comer ben quente.