Cantharellus cibarius

Cantarela
Rebozuelo
[Salvaterra de Miño, 13/11/2008]
[Reino Fungi | División Basidiomycota |Clase Agaricomycetes | Subclase Incertae sedis | Orden Cantharellales | Familia Cantharellaceae | Xénero Cantharellus]

O primeiro que se me ocurre dicir deste cogomelo é que cheira a pexego, tamén que é do mellor que se pode atopar no monte. Sempre ten boa saúde, os bichos pasan de largo. Na cociña da moito xogo.

O Cantharellus cibarius, como todo seu xénero, caracerízase por ter o himenio decurrente, formado de arrugas, máis que lamelas, ramificadas e irregulares.
Cando medra en piñeirais medra pouco, sendo os tamaños habituais, entre os 3 e os 5 cm, alcanzando dimensións de 7 a 12 cm cando medra en bosques caducifolios.

Podemos atopar esta seta casi todo o ano, desde que templa a primaveira ata ben avanzado o outono.

Unha das preparacións culinarias nas que máis me gusta esta seta é en empanada.